GEDIG VIR MA
ma
die lied van jou mond
was my klaasvakie
toe ek nie kon slaap nie
en jou oë verskrikvoëls
teen al my nagmerries
wat het jy Hom gevra
wat my vandag nog dra?
ma, ek weet jy maak gereed
vir ‘n sonsverduistering
en ek
vir die val van ‘n herfsblaar
wat moet ek Hom vra
om jou ‘n paar somers te spaar?
ma, mag my gedig
jou hou by my
vir ewig
1 Comments:
en jou oë verskrikvoëls
teen al my nagmerries
beautiful woorde..
Post a Comment
Subscribe to Post Comments [Atom]
<< Home